ഡും ഡും
നിലോഫർ: അരാണ് പുറത്ത്.
സൺ ഓഫ് ഡസ്റ്റ്: ഇതു ഞാനാണ്
നിലോഫർ: മടങ്ങിപ്പോ ഇവിടെ രണ്ടു ഞാനുകൾക്ക് സ്ഥാനമില്ല.
സൺ ഓഫ് ഡസ്റ്റ്: ഒരേ ആത്മാവ് രണ്ട് ശരീരങ്ങളിൽ കേറിപ്പോയതിനു ഞാനെന്തു പിഴച്ചു.
ഡും ഡും
നിലോഫർ: അരാണ് പുറത്ത്.
സൺ ഓഫ് ഡസ്റ്റ്: ഇതു ഞാനാണ്. നിന്നിൽ കുടിയേറാൻ വന്ന ഞാൻ.
നിലോഫർ: പ്രലോഭനങ്ങൾക്കൊണ്ടെന്റെ വിശ്വസങ്ങളെ തെറ്റിക്കാൻ വന്നവനോ?
സൺ ഓഫ് ഡസ്റ്റ്: പ്രണയം പ്രലോഭനമാണോ നിനക്ക്.
നിലോഫർ: എന്റെ സിഗരറ്റു പുകപടർത്തിൽ നിന്റെ രൂപം തെളിയുന്നു.
സൺ ഓഫ് ഡസ്റ്റ്: എങ്കിൽ പുകപടത്തിനെ ആത്മാവിലേക്ക് ആവാഹീക്കൂ..
നിലോഫർ: പക്ഷേ നിശ്വാസത്തോടൊപ്പം പുറത്തേക്ക് തന്നെ ചാടുന്നു.
ഡും ഡും
നിലോഫർ: അരാണ് പുറത്ത്.
സൺ ഓഫ് ഡസ്റ്റ്: നീയെന്നെ ചതിക്കയാണോ
നിലോഫർ: ഞാൻ പ്രയോഗികപ്രണയിനിയാവുകയാണ്.
സൺ ഓഫ് ഡസ്റ്റ്: അപ്പൊ നീ കവർന്ന എന്റെ ചാരിത്രം
നിലോഫർ: അത് നിന്റെ ഇണകളുടെ വിശ്വാസമല്ലേ..
സൺ ഓഫ് ഡസ്റ്റ്: അപ്പൊ നീ നിന്റെ മൊബെയിൽ പകർത്തിയ എന്റെ നഗന രൂപങ്ങൾ
നിലോഫർ: അത് എന്റെ തന്നെ പ്രതിരൂപമല്ലേ
സൺ ഓഫ് ഡസ്റ്റ്: അപ്പൊ നീ കവർന്നെടുത്ത എന്റെ ഹൃദയം.
നിലോഫർ : ഒരു ചുവന്ന പൂവായി സൂക്ഷിച്ചിരുന്നു, പക്ഷേ കളവ് പോയി.
ഡും ഡും
മറ്റൊരു നിലോഫർ: ആരാണ് പുറത്ത്
സൺ ഓഫ് ഡസ്റ്റ്: ഹ്ര്ദയം കൾഞ്ഞു പോയവൻ.
നിലോഫർ: ചുവന്ന പൂ പോലെയുള്ള ഹൃദാമാണോ
സൺ ഓഫ് ഡസ്റ്റ്: അതെ , തിരികെ തരാമോ
നിലോഫർ: ഇല്ല, അതെന്റെ ഹ്ര്ദയത്തിലൊട്ടിപ്പോയി,
ഡും ഡും
സൺ ഓഫ് ഡസ്റ്റ്: കയറി വന്നോട്ടെയോ
നിലോഫർ: ആത്മാവിലേക്കാണെങ്കിൽ , ആവാം.
